3-4 dekabr 2022-ci il tarixində Xəzər Universitetinin Siyasi elmlər və Fəlsəfə departamentinin təşkilatçılığı ilə media sahəsində çalışan şəxslər və müxtəlif ali təhsil müəssisələrində Jurnalistika ixtisası üzrə təhsil alan tələbələr üçün “Avropa İttifaqı necə işləyir?” mövzusunda təlim təşkil olunmuşdur.
Erasmus+ Jean Monnet Module layihəsi çərçivəsində baş tutan 2 günlük təlimlərdə Xəzər Universitetinin müəllimləri Elmar Mustafayev və Zibər Hüseynova tərəfindən Avropa İttifaqının strukturu, institutları (Avropa İttifaqı Şurası, Avropa Komissiyası, Avropa Parlamenti, Avropa Nazirlər Şurası və Avropa Ədalət Məhkəməsi), İttifaqın və üzv-dövlətlərin səlahiyyətləri, eləcə də vətəndaşların qərarvermə prosesində iştirakı barəsində ətraflı məlumat verilmişdir.
40-dan çox jurnalist və Jurnalistika ixtisasında oxuyan tələbələrin qatıldığı 2 günlük tədbirin sonunda bütün içtirakçılara sertifikat və Avropa İttifaqı haqqında yazılmış oxu materialı verilmişdir.