2022-ci il dekabrın 2-də Xəzər Universiteti Həyat elmləri departamentinin Baytarlıq təbabəti üzrə təhsil alan 2-ci kurs tələbələrinin digər qrupu Baytarlıq Elmi-Tədqiqat İnstitutu (BETİ) və onun nəzdindəki Baytarlıq klinikasında oldular.
BETİ əməkdaşları institutun strukturu, fəaliyyəti, laboratoriyaları, tədqiqat istiqamətləri barədə məlumat verdilər. Sonra tələbələr institututun laboratoriyalarında aparılan elmi-tədqiqat işləri, müasir cihaz və avadanlıqların iş prinsipləri, kitabxana ilə tanış oldular. Onlar, həmçinin, heyvan mənşəli toxumalardan bakterioloji analiz üçün nümunələrin götürülməsi, boyanması və mikroskopik müayinəsi işlərini həyata keçirdilər.
Baytarlıq klinikasında əməkdaşlar tərəfindən it və pişiklərin müayinəsi, qanın ümumi və biokimyəvi analizi, USM və s. işlərlə də yaxından tanış oldular. Klinikanın təlim otağında tələbələrin sualları cavablandırıldı.