2022-ci il dekabrın 6-da Sumqayıt “Dünya” Məktəbində tədqiqatçı-yazar, “Sükutla danışanlar” əsərinin müəllifi Elvin Arifoğlu ilə görüş keçirildi. Görüşü giriş sözü ilə Xəzər Universitetinin İctimai əlaqələr və media üzrə direktoru Əlövsət Əmirbəyli açaraq, Elvin Arifoğlu və yeni çapdan çıxmış əsər haqqında məlumat verdi. Sonra o, sözü kitabın müəllifi E.Arifoğluya verdi. E.Arifoğlu əsər haqqında oxuculara geniş məlumat verdi və iştirakçıların suallarını cavablandırdı.
Tədbirdə məktəbin direktoru Çiçək Qaracayeva, müdir müavini Xuraman Nağızadə, Azərbaycan dili və ədəbiyyat müəllimi Könül Əliyeva və digərləri çıxış etdilər.
Sonda gənc yazar Elvin Arifoğlu iştirakçılara imzalı kitablarını payladı, şagird və müəllim kollektivi ilə xatirə şəkilləri çəkildi.