2022-ci il noyabrın 24-də Xəzər Universiteti Həyat elmləri departamentinin Baytarlıq təbabəti üzrə koordinatoru b.ü.f.d. Ayaz Məmmədovun təşkilatçılığı ilə Baytarlıq təbabəti üzrə təhsil alan 2-ci kurs tələbələrinin bir qrupu Baytarlıq Elmi-Tədqiqat İnstitutu (BETİ) və onun nəzdindəki Baytarlıq klinikasında oldular.

Səfər zamanı institutun direktoru Siyalə Rüstəmova tələbələrlə görüşərək, praktiki işlərdə iştirak etmələri üçün şəraitin yaradılacağını vurğuladı və onlara uğurlar dilədi.

Sonra BETİ əməkdaşları tərəfindən tələbələrə instititutun laboratoriyalarının elmi-tədqiqat istiqamətləri, cihaz və avadanlıqların iş prinsipləri, kitabxanası barədə geniş məlumat verdilər.

Tələbər, həmçinin, Baytarlıq klinikasında heyvanların müayinəsi, qanın ümumi və biokimyəvi analizi, xəstəliklərin diaqnostikası, müalicəsi və s. işlərlə də yaxından tanış oldular.