Xəzər Universiteti İngilis dili və ədəbiyyatı departamentinin koordinatoru Dr. Milana Abbasova noyabrın 14-18-də Erasmus+ Personal Mobility (KA107) layihəsi çərçivəsində Türkiyənin Kütahya şəhərində Dumlupınar Universitetində olmuşdur.
Səfər zamanı o, Dumlupınar Universiteti İngilis dili departamentinin müdiri Prof. Ayhan Karaman və digər əməkdaşlarla görüşlər keçirib. Görüşlərdə gələcək əməkdaşlıq, ingilis dilinin tədrisini inkişaf etdirmək və təlim prosesini daha maraqlı etmək imkanları müzakirə olunub, həmkarlar bu barədə öz fikir və təcrübələrini bölüşüblər. Proqram çərçivəsində Milana Abbasova səkkiz saatlıq mühazirə söyləmiş və bir neçə dərsdə dinləyici kimi iştirak etmişdir.
Proqramın sonunda Milana Abbasova fakültənin rəhbəri və professor-müəllim heyəti ilə yekun görüşdə sertifikatla təltif olunub.