2022-ci il noyabrın 14-18-də Xəzər Universitetinin əməkdaşları UniLab layihəsi çərçivəsində İspaniyanın UPF Barselona İdarəetmə Məktəbində oldular. Səfərdə İqtisadiyyat və menecment fakültəsinin dekanı Ceyhun Məmmədov, Karyera İnkişaf Mərkəzinin koordinatoru Elnurə Əhmədzadə, İnkişaf Ofisinin layihə rəhbəri Jalə Rzayeva və universitetin İqtisadiyyat və menecment fakültəsinin Maliyyə ixtisası üzrə təhsil alan tələbəsi Şəfəq Qasımova iştirak ediblər. Səfər zamanı universitetin əməkdaşları UPF Barselona İdarəetmə Məktəbində görüşdə iştirak ediblər. İştirakçıları EUCEN-in icraçı direktoru Karme Royo və universitetin nümayəndələri qarşıladılar. Görüşdə layihə üzrə görülən işlər və gələcək planlar müzakirə olunub. Səfər zamanı nümayəndələr Karyera Mərkəzi və karyera platforması olan UPF Barselona İdarəetmə Məktəbi ilə tanış olublar.

Səfər zamanı Karyera İnkişaf Mərkəzinin koordinatoru Elnurə Əhmədzadə və İnkişaf ofisinin layihə rəhbəri Jalə Rzayeva təqdimatla çıxış edərək, layihə çərçivəsində universitetin “Karyera İnkişaf Ayı” və “Karyera Səfirləri” proqramları kimi gördüyü işlər barədə iştirakçılara məlumat verdilər.