2022-ci il noyabrın 22-də Latviyanın Azərbaycandakı səfirliyinin dəvəti ilə Nailəxanım Fondunun təsis etdiyi Nailəxanım təqaüdçü tələbələri Claudia Palazzo (İtaliya) və Brilliant Windy Khairunnisa (İndoneziya) “Qadınlar, Sülh və Təhlükəsizlik” mövzusunda “Dayanıqlı Gələcək üçün Qadınlar” adlı konfransda iştirak etmişlər.

Konfrans Azərbaycan Xarici İşlər Nazirliyi, Latviyanın Azərbaycandakı səfirliyi, NATO, BMT-nin Azərbaycandakı nümayəndəliyi və Böyük Britaniyanın Bakıdakı səfirliyinin birgə təşkilatçılığı ilə ADA Universitetində keçirilib. Konfransda bu sahədə QHT-lərin effektivliyi, müsbət beynəlxalq təcrübələr kimi qlobal əhəmiyyət kəsb edən bir sıra mühüm mövzular müzakirə edilib.

Konfransda Xəzər Universitetinin Beynəlxalq əlaqələr üzrə prorektoru Vlad Vernygora da iştirak etmişdir.