2022-ci il noyabrın 18-də Xəzər Universitetinin Psixologiya departamentinin əməkdaşları Mələk Kərimova və Xanım Rzayeva Azərbaycan Respublikası Əmək və Əhalinin Sosial Müdafiəsi Nazirliyi və Dayanıqlı və Operativ Sosial Təminat (DOST) Agentliyinin birgə rəhbərliyi ilə əlilliyi olan şəxslərin hüquqları sahəsində dövlət monitorinqinin aparılması çərçivəsində keçirilən “Təhsildə və inkişafda bərabərlik” mövzusunda tədbirdə iştirak ediblər.

Tədbir Əlilliyi Olan Şəxslərin Hüquqları Sahəsində Dövlət Monitorinqi Komissiyasının üzvləri ilə yanaşı, qeyri-hökumət təşkilatları, blogerlər, universitet və ictimaiyyət nümayəndələrinin iştirakı ilə keçirilib.

Görüşdə əlilliyi olan şəxslərin hüquqları sahəsində dövlət monitorinqinin həyata keçirilməsi çərçivəsində “Təhsil sistemində müyəssərlik və inklüzivlik imkanları” və “Əlilliyi olan uşaqların hərtərəfli inkişafı, istedad, bilik və bacarıqlarını realizə etmələri üçün mövcud imkanlar və çətinliklər” mövzularında iki blokdan ibarət olmaqla müzakirələr təşkil edilib.

Görüşdə DOST Agentliyinin İdarə Heyətinin sədri Fərid Məmmədov əlilliyi olan şəxslərin hüquqları sahəsində dövlət monitorinqi haqqında məlumat verdi. Sonra DOST Agentliyinin MİET departamentinin müdiri Şahin Zülfüqarov əlilliyi olan şəxslərlə bağlı müyəssərlik və inkluzivlik mövzusunda müzakirələr apararaq, görülən tədbirlər haqqında məlumat verdi. Universitetlərdə əlilliyi olan şəxslərə uyğun şəraitin yaradılmasının zəruriliyi və görüləcək işlər haqqında yeni təkliflər irəli sürüldü. Psixologiya departamentinin koordinatoru Mələk Kərimova Xəzər Universitetində “Əlilliyi olan tələbələrin ali məktəblərə inteqrasiyası” layihəsi və layihənin davamı olaraq keçirilən müxtəlif tədbirlər haqqında məlumat verdi.