2022-ci il oktyabrın 27-dən noyabrın 5-dək Xəzər Universiteti Psixologiya departamentinin müəllimi və Respublika Narkologiya Mərkəzinin psixoloqu Ramin Allahverdiyev tərəfindən İngilis dili müəllimliyi, Dizayn və İqtisadiyyat ixtisasının tələbələri üçün “Psixoaktiv maddələrin istifadəsinin zərərli təsirləri” ilə bağlı seminarlar təşkil edildi.

Seminarlardan məqsəd tələbələrin psixoaktiv maddələrin insan sağlamlığına vurduğu ziyanlar haqqında məlumatlandırlması idi və bəzən gənclərin sosioekonomik və ailə problemləri ilə əlaqədar maddə istifadəsinə maraq duyduqları, bəzən də buna uyğun olmayan sosial çevrələrin mənfi təsirlərinin səbəb ola biləcəyi haqqında müzakirələr aparıldı. Tələbələrə psixi və fiziki sağlamlıqlarını necə qoruya biləcəkləri, nələr edə biləcəkləri ilə bağlı alternativ yollar haqqında məlumat verildi və sualları cavablandırıldı.