2022-ci il noyabrın 4-6-da PAŞA Bank-ın və SUP VC şirkətinin təşkilatçılığı ilə “Fintech” mövzusunda keçirilmiş “Techstars Startup Weekend Fintech Baku” (Baku Startup Weekend) hakatonunda Təbiət elmləri və mühəndislik fakültəsi Kompüter mühəndislıyi ixtisasının 2-ci kurs tələbələri - Lalə Məhərrəmova, Leyla Abışlı, Zeynal Mərdanlı və Nihat İsmayılovdan ibarət komanda 2-ci yeri qazanmışdır. Komandaya Kompüter elmləri departamentinin müəllimi Fariz Həsənov rəhbərlik etmişdir.
Hakaton ümumilikdə 3 gün davam edib. Tədbirin ilk günündə müxtəlif ideyalar səsləndirən iştirakçılar komandalara bölünərək, növbəti iki gün ərzində öz layihələri üzərində çalışıblar.
70 komandadan 10 komanda finalda iştirak hüququnu qazanıb. Sonuncu gün münsiflər heyətinin qarşısında öz layihələrini təqdim edən komandalardan 3-ü ən yüksək bal toplayaraq, qalib hesab edilib və hədiyyələrlə təltif olunub.