2022-ci il noyabrın 1-də Xəzər Universiteti Həyat elmləri departamentinin Baytarlıq təbabəti üzrə koordinatoru b.ü.f.d. Ayaz Məmmədov və Baytarlıq təbabəti ixtisası üzrə təhsil alan 3-cü kurs tələbələri Kənd Təsərrüfatı Nazirliyinin Baytarlıq Elmi-Tədqiqat İnstitutu (BETİ) və onun nəzdindəki Baytarlıq Klinikasında olublar.
BETİ əməkdaşları tərəfindən seroloji müayinələr, kənd təsərrüfatı heyvanlarının infeksiyon xəstəlikləri, yoluxmayan xəstəliklər, mikoloji, arı xəstəliklərinin müayinəsi, quşların infeksiyon xəstəlikləri və s. ilə əlaqədar avadanlıqlar, müasir tədqiqat metodları haqqında tələbələrə geniş məlumat verildi.
Sonra isə tələbələr Baytarlıq klinikasında heyvanların müayinəsi, qanın ümumi analizi, xəstəliklərin diaqnostikası, müalicəsi və s. işlərlə tanış oldular.