Hazırda ənənəvi enerji mənbəyi kimi karbohidrogen ehtiyatlarının məhdudluğu və ətraf mühitin çirklənməsinin qarşısının alınması dünyada alternativ və bərpa olunan enerji mənbələri hesabına istehsal olunan enerjinin həcminin artırılmasını zəruri edir. Artıq bu istiqamətdə bir sıra ölkələrdə günəş, külək və digər bərpa olunan enerji mənbələrindən istifadə getdikcə genişlənir. Bununla əlaqədar olaraq 2021-ci il sentyabrın 29-dan etibarən Xəzər Universitetinin Fizika və Elektronika departamenti və ona qonşu otaqlar alternativ enerji mənbəyi kimi günəş panelləri vasitəsi ilə işıqlandırılır və bununla da enerji sərfiyyatı azaldılmış olur.