Bakıda BMT-Azərbaycan tərəfdaşlığının 30-cu ildönümünə həsr olunmuş BMT günü tədbiri keçirilib. Tədbirdə dövlət və BMT rəsmiləri, diplomatik korpusun və vətəndaş cəmiyyətinin nümayəndələri, Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı iştirak ediblər.

Açılış nitqi ilə çıxış edən BMT-nin rezident əlaqələndiricisi Vladanka Andreeva və Azərbaycanın xarici işlər nazirinin müavini Elnur Məmmədov dayanıqlı inkişaf məqsədlərinə nail olmaq istiqamətində BMT-Azərbaycan tərəfdaşlığının əhəmiyyətini qeyd ediblər.

BMT-Azərbaycan tərəfdaşlığının 30-cu ildönümünə həsr olunmuş fotosərginin nümayişi ilə davam edən tədbirdə Xəzər Universitetinin Kamera orkestri (bədii rəhbər universitetin Musiqi və incəsənət departamentinin müdiri, əməkdar müəllim, pianoçu Zülfiyyə Sadıqova) Azərbaycan bəstəkarlarının əsərlərini ifa edib.