2022-ci il oktyabrın 28-də Xəzər Universitetində Nizami Rayon Polis İdarəsi və Nizami Rayon İcra Hakimiyyətinin iştirakı ilə “Narkomaniyaya qarşı mübarizə” mövzusunda maarifləndirici tədbir keçirilmişdir.
Tədbirdə Xəzər Universitetinin rektoru dosent İradə Xəlilova, İctimaiyyətlə əlaqələr və media üzrə direktoru Əlövsət Əmirbəyli, Nizami RPİ-nin rəisi polis polkovniki Ziya Əliyev, rəis müavini polis polkovnik-leytenantı Zaur İsayev, Yetkinlik yaşına çatmayanlarla profilaktiki işin təşkili bölməsinin rəisi polis mayoru Natiq Yusifov, Narkotiklərlə mübarizə bölməsinin rəisi polis baş leytenantı Elvin Əliyev, Veteranlar şurasının üzvü Firdovsi Bayramov, Yetkinlik yaşına çatmayanlarla profilaktiki işin təşkili bölməsinin baş inspektoru polis kapitanı Günel Mirzəyeva, inspektoru polis leytenantı Qadir Hüseynov və universitet tələbələri iştirak etmişlər.
İradə Xəlilova tədbiri giriş sözü ilə açaraq, narkomaniya ilə mübarizənin vacibliyini, tələbələrin bu sahədə maariflənməsinin əhəmiyyətini qonaqların və tələbələrin diqqətinə çatdırmışdır.
Sonra söz Nizami RPİ-nin rəisinə və əməkdaşlarına verilmişdir. Narkomaniya və onun fəsadları haqqında tələbələrə ətraflı məlumat verilmiş, bundan qorunmağın yolları göstərilmişdir.
Əlövsət Əmirbəyli çıxış edərək, narkomaniyaya qarşı mübarizə yolunda görülən işlər, bu işdə tələbələrin rolu haqqında məlumat vermişdir.
Sonda Nizami RPİ-nin əməkdaşları tələbələrin suallarını cavablandırmışlar.