2022-ci il oktyabrın 26-da Latviya Həyat Elmləri və Texnologiyaları Universiteti ilə Xəzər Universiteti arasında görüş keçirilmişdir.

Görüşdə Xəzər Universitetinin rektoru dosent İradə Xəlilova, Təbiət elmləri, sənət və texnologiya yüksək təhsil fakültəsinin dekanı Səidə Şərifova, İqtisadiyyat və biznes yüksək təhsil fakültəsinin dekanı İnqilab Əhmədov, Təbiət elmləri və mühəndislik fakültəsinin dekanı Fəxrəndə Əlimərdanova, İqtisadiyyat və menecment fakültəsinin koordinatoru Maral Camalova, Beynəlxalq əlaqələr ofisinin koordinatoru Fatimə Vəliyeva, Latviya Həyat Elmləri və Texnologiyaları Universitetindən isə rektor Dr. Irina Pilvere, Beynəlxalq Əməkdaşlıq Mərkəzinin rəhbəri Dr. Voldemārs Bariss, Baytarlıq fakültəsinin dekanı Dr. Kaspars Kovalenko və Latviyanın Azərbaycandakı səfirliyinin müşaviri Elmira Mirzəyeva iştirak etmişlər.

Görüşdə ikitərəfli əlaqələrin möhkəmlənməsinə dair ikili diplom proqramlarının qurulması və təhsil müəssisələri arasında tərəfdaşlıq və akademik əlaqələrin gücləndirilməsi istiqamətində müzakirələr aparılmışdır.

Qeyd edək ki, Latviya Həyat Elmləri və Texnologiyaları Universiteti elmi tədqiqatların, eləcə də akademik və peşəkar təhsil proqramlarının həyata keçirildiyi ali təhsil və elm müəssisəsidir. 2022-ci il iyunun 15-də Latviya Həyat Elmləri və Texnologiyaları Universiteti ilə Xəzər Universiteti arasında ikitərəfli əlaqələrin möhkəmlənməsinə dair müqavilə imzalanmışdır.

Görüşün sonunda hədiyyə mübadiləsi olmuşdur.