2022-ci il oktyabrın 21-23-də Xəzər Universitetinin Fizika və Elektronika departementinin müdiri Fəridə Tatardar, Kompüter elmləri departamentinin müəllimi Humay Hüseynova və Tarix və arxeologiya departamentinin müəllimi Kəmalə Mustafayeva Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “İnnovasiyalar Mərkəzi” tərəfindən Şamaxıda Vergilər Nazirliyinin Təlim Tədris Mərkəzində “Gələcək üçün bacarıqlar” layihəsi çərçivəsində həyata keçirilən “Mentorun 72 saatı” adlı "Bootcamp” tədbirində iştirak ediblər.

Tədbirdə “Rəqəmsal dünyada yenilik”, “Şəbəkələşmə”, “Liderlik bacarıqları”, “Komandanın effektiv idarə olunması”, “Startup pitching”, “Mentorluq, texnika və mexanizmləri”, “Startapın həyat dövrü”, “Təqdimat bacarıqlarının inkişaf etdirilməsi”, “Maliyyə cəlb edilməsi strategiyaları”, “Emosional intellekt” və “İdeya müsabiqəsi - İnnovativ məhsul inkişafı” mövzularında təlimlər keçirilimiş, sonra isə komandalar üzrə iş təşkil olunmuşdur. "Bilim Bakı" Mərkəzinin rəhbəri “Milli Teknoloji Hamlesi T3 Vakfı & Teknofest” haqqında da məlumat vermişdir.

2021-ci ilin aprel ayından etibarən həyata keçirilən “Gələcək üçün bacarıqlar” layihəsinin məqsədi innovasiya sahəsində kadr potensialının artırılması, təhsildə innovasiya fəaliyyətinin dəstəklənməsi, innovativ ideyaların inkişaf etdirilməsi üçün təhsil prosesində tələbələrə dəstək göstərilməsi və tələbələrin ölkənin texnoloji inkişafında önəmli rol oynayan kəşf, ixtira sahəsinə yönləndirilməsidir.