Xəzər Universitetinin Təbiət elmləri, sənət və texnologiya yüksək təhsil fakültəsinin doktorantı Fəribə Fərhənginin İranda kitabları çap olunub.

Fəribə Fərhənginin farsca yazdığı “Yek mard - yek şahr” kiabı Azərbaycan dilində (“Bir igid - bir şəhər”) təbrizli Fatimə Mənafzadənin tərcüməsində, ingilis dilində (A Man, a City) müəllifin öz tərcüməsində Təbrizdə Ritm Yayım Evində işıq üzü görüb. Kitab şah diktaturasına qarşı Məşrutə inqilabının görkəmli xadimi, əsas liderlərindən biri və xalq qəhrəmanı Səttar xanın fəaliyyətindən bəhs edir.

Fəribə Fərhənginin çap olunmuş ikinci kitabı öz şeirlərindən və rəsm əsərlərindən ibarət farsca “Doxtəre aftab” (“Günəşin qızı”) və ingiliscə (“Daughter of the Sun”) çap olunmuş kitabıdır.

Nəfis şəkildə Səmt Rovşən Kələme nəşriyyatında (Bəndəre-Abbas şəhəri) hazırlanmış kitabda şeirlər hər bir rəsm əsərinin yanında məzmuna müvafiq yerləşdirilmişdir.