2022-ci il sentyabrın 30-da Xəzər Universiteti ilə Türkiyənin Konya şəhərində yerləşən Necmettin Erbakan Universiteti arasında onlayn görüş keçirildi. Görüşdə Xəzər Universitetinin rektoru, Dos. İradə Xəlilova, Təbiət elmləri və mühəndislik fakültəsinin dekanı f.ü.f.d.Fəxrəndə Əlimərdanova, Həyat elmləri kafedrasının baytarlıq təbabəti üzrə koordinatoru b.ü.f.d.Ayaz Məmmədov, Həyat elmləri departamentinin dosenti Cavid Ocaqi, Təbiət elmləri, Sənət və Texnologiya yüksək təhsil fakültəsinin koordinatorları, b.ü.f.d. Məhəmməd Eldarov və f.ü.f.d. Günel Bahəddinova, Fizika və elektronika kafedrasının müdiri f.ü.f.d.Fəridə Tatardar, Mexanika Mühəndisliyi departamentinin koordinatoru mex.müh.ü.f.d.Mehdi Kiyasatfar, Kimya və Kimya Mühəndisliyi Departamentinin Koordinatoru k.ü.f.d. Rasoul Moradi, Necmettin Erbakan Universitetinin rektoru Prof. Dr. Cem Zorlu, Universitetin prorektoru Dr.Oğuz Doğan, Biotibbi Mühəndislik fakültəsinin dosenti Meltem Dəmirəl Qars, Təməl Tibb Elmləri Prof. Dr. Ercan Kurar və Prof.Dr. Selim Kutlu, Xarici Əlaqələr Koordinator Şeyma Akın, Beynəlxalq ofsdən Dr.Tuba Yılmaz iştirak etdilər.

Görüşdə hər iki universitetin rektorları Dos.İradə Xəlilova və Prof. Dr.Cem Zorlu çıxışında universitetlər arasında bir sıra istiqamətlərdə tədqiqat və layihələrin icrası, kadr hazırlığı və digər məsələr üzrə əməkdaşlığın qurulmasının əhəmiyyətini və bunun üçün ilk növbədə birgə əməkdaşlıq üzrə memorandumun imzalanmasının vacibliyini qeyd etdilər.

Aparılan müzakirədə hər iki universitetin alim və mütəxəssisləri, biotibbi, nanotexnologiya, baytarlıq təbabəti və s. sahələrdə birgə tədqiqatların həyata keçirilməsinin univrsitetlərarası elmi əlaqələrin güclənməsinə təkan verəcəklərini bildirdilər.

Sonda elmi əməkdaşlığın qurulması və sürətləndirilməsi üçün koordinatorlar seçilməsi qərara alındı.