Xəzər Universiteti Karyera İnkişaf Mərkəzi Unilab layihəsi çərçivəsində tələbələrin karyera imkanlarını artırmaq üçün 1 ay davam edəcək “Karyera İnkişaf Ayı” təşkil edir.

Həmin ay çərçivəsində ilk təlim 2022-ci il oktyabrın 3-də baş tutdu. “İş axtarışı” adlanan təlimdə “FireWorks” şirkətinin İnsan resursları üzrə mütəxəssisi Minə Şxəlili və İşə qəbul üzrə mütəxəssis Gülnar Şahmuradova iştirakçılar ilə “SWOT” testi, “16 şəxsiyyət tipi” testi, öz təcrübələrinə əsasən iş axtarma üsulları, “yaxşı CV necə hazırlanmalıdır”, “motivasiya məktubu nədir və necə yazılmalıdır”, sosial şəbəkələrin, o cümlədən “LinkedIn” profilinin iş həyatımızda rolu, “professional “LinkedIn” profili necə olmalıdır” və “iş müsahibəsinə hazırlıq” kimi bir çox maraqlı mövzuları müzakirə etdilər.