2022-ci il oktyabrın 7-də Xəzər Universitetinin Psixologiya departamentinin assistenti Xanım Rzayeva Bakı Ali Neft Məktəbinin (BANM) nəzdində yaranmış Psixologiya klubu tərəfindən təşkil olunan tədbirdə "Öz dəyərsizlik" mövzusunda çıxış etmişdir.
Çıxışda öz dəyərsizliyin yaranma səbəbləri, psixoloji və fiziki olaraq özünü necə göstərməsi barəsində iştirakçılarla birlikdə müzakirə aparılmışdır. Sonra isə öz dəyərsizliyin aradan qaldırılması üçün tələbələrin nə etməli olduqları və öz dəyərin önəmi haqqında vacib məqamlara toxunulmuşdur.
Tədbirin sonunda Xanım Rzayeva BANM Psixologiya klubu tərəfindən təşəkkürnamə ilə təltif olunmuşdur.