2022-ci il oktyabrın 4-də Xəzər Universitetinin tərəfdaşı olduğu Erasmus+ UniLab layihəsi çərçivəsində tərəfdaş universitetlərin növbəti virtual görüşü keçirildi. Görüşü layihənin koordinatoru Karme Royo açdı və gündəlikdəki məsələləri təqdim etdi.

Görüş zamanı Azərbaycandan olan tərəfdaşların, xüsusən də dərsdənkənar fəaliyyətlər və maarifləndirmə ilə bağlı əldə etdikləri irəliləyişlərdən söz açılıb. Tərəfdaşlar portalın quraşdırılmasını müzakirə ediblər və milli konfransın necə keçirilməsi ilə bağlı təkliflər verilib.

Layihə tərəfdaşları belaruslu tərəfdaşların iştirakını artırmağı tövsiyə ediblər. Bundan başqa, layihə çərçivəsində Barselonaya Təhsil Səfərinin təfərrüatları müzakirə olunub.

UniLab layihəsinin virtual görüşündə Xəzər Universitetini Karyera Mərkəzinin koordinatoru Elnurə Əhmədzadə və İnkişaf Ofisinin Layihə Meneceri Jalə Rzayeva təmsil edib.