Azərbaycan Respublikasının Prezidenti İlham Əliyevin 4 oktyabr 2022-ci il tarixli Sərəncamı ilə beynəlxalq və respublika fənn olimpiadalarının keçirilməsində və şagirdlərin hazırlığı sahəsində xüsusi nailiyyətləri ilə fərqlənən üş nəfər təhsil işçisinə “Əməkdar müəllim” fəxri adı verilmişdir.
Xəzər Universiteti Riyaziyyat departamentinin professoru Nazim Kərimov da fəxri ada layiq görülənlər arasındadır. Nazim Kərimov uzun illərdir ki, Azərbaycan milli riyaziyyat komandasının əsas hazırlıq müəllimlərindən biridir.
Xəzər Universitetinin kollektivi Nazim Kərimovu səmimi-qəlbdən təbrik edir və fəaliyyətində ona yeni uğurlar arzulayır.