2022-ci il sentyabrın 26-30-da Türkiyənin Ankara şəhərində yerləşən Qazi Universitetinin professoru Asuman Aşık Erasmus+ İşçi Mobilliyi Mübadilə Proqramı çərçivəsində Xəzər Universitetində oldu.
Proqramın ilk günü Beynəlxalq əlaqələr ofisinin və İngilis dili və ədəbiyyatı departamentinin təşkilatçılığı ilə görüş keçirildi. Görüşdə İngilis dili və ədəbiyyatı departamentinin koordinatoru Milana Abbasova Xəzər Universiteti, Asuman Aşık isə Qazi universiteti haqqında məlumat verdilər.
Proqram çərçivəsində Asuman Aşık İngilis dilinin tədrisi üzrə İnteqrasiya texnologiyası fənnini tədris etmişdir.
Proqramın son günü Beynəlxalq əlaqələr ofisinin təşkilatçılığı ilə “Atəşgah məbədi” Dövlət Tarix-Memarlıq Qoruğuna və "Yanardağ" Dövlət Tarix-Mədəniyyət və Təbiət Qoruğuna səfər olunmuşdur. Əlavə olaraq, Humanitar, təhsil və sosial elmlər fakültəsinin dekanı Elza Səmədova ilə görüş keçirillmiş və Asuman Aşık`a proqramı uğurla başa çatdırdığına görə sertifikat təqdim edilmişdir.