Layihələrdə iştirak etmək insanları, təşkilatları, layihənin idarə edilməsini və layihənin özünün kontekstini kəşf etmək üçün bir vasitə kimi başa düşülə bilər. Biz, Xəzər Universiteti olaraq, Avropa İttifaqı layihələri ilə işləməyi həm şəxsi, həm də peşəkar inkişaf üçün faydalı hesab edirik və bunun geniş imkanlar yaratdığını düşünürük.

Azərbaycan İnstitusional Repozitorlar Şəbəkəsi (bundan sonra DIRNA) layihəsi açıq girişi olan institusional repozitorlar şəbəkəsinin yaradılması vasitəsilə səkkiz aparıcı Azərbaycan universitetinə diqqət yetirməklə tədqiqat nəticələrinin idarə edilməsi kontekstində potensialın artırılması məqsədi daşıyır. Yuxarıda qeyd olunan repozitorların yaradılması və sonra əlaqələndirilməsi, həyata keçirilməsinin təşkili, məlumatların daxil edilməsi və problemsiz nəzarət üçün tələb olunan intensiv və hərtərəfli təlim prosesi DIRNA-nın əsasını təşkil edəcəkdir. Layihənin təşəbbüskarı Xəzər Universitetinin Kitabxana-İnformasiya Mərkəzidir (KİM).

Layihə ilə bağlı fəaliyyətlərdən əldə edilən öyrənmə nəticələri müxtəlif yollarla, o cümlədən ölkədəki digər qurumlara öz repozitorlarının yaradılması və idarə olunmasında fəal şəkildə kömək etmək üçün imkanların və mexanizmlərin işə salınması və təmin edilməsi yolu ilə paylaşılacaq və yayılacaq. Daha bir vacib məqam odur ki, DIRNA-nın məqsədi təkcə keyfiyyətli elmi tədqiqatın üzə çıxması və idarə olunmasını təkmilləşdirmək deyil, həm də tədqiqat nəticələrinə açıq çıxışı dəstəkləmək, ölkə daxilində ali təhsil müəssisələri arasında elmi əlaqə və koordinasiyanı saxlamaq və təşviq etməkdir.

Təklif olunan platforma layihədəki boşluqları dolduran üç əsas komponentdən ibarət olacaq: 1) araşdırmağa imkan verən repozitorlar şəbəkəsi 2) Azərbaycan universitetlərinin həm bu gün, həm də gələcəkdə tədris, tədqiqat və əlaqəli fəaliyyətlərini dəstəkləyən çevik mərkəzi bilik repozitoru 3) Virtual Referans Mərkəzi institusional məlumatların idarə edilməsində istinad və tədqiqat fəaliyyəti mərkəzi kimi.

Layihəyə 8 Azərbaycan və 3 Avropa ali təhsil müəssisəsi daxildir.

Azərbaycan ali təhsil müəssisələrindən tərəfdaşlar aşağıdakılardır: Xəzər Universiteti, Bakı Dövlət Universiteti, Texniki Universitet, Azərbaycan Respublikası Dövlət Gömrük Komitəsinin Akademiyası, Gəncə Dövlət Universiteti, Naxçıvan Dövlət Universiteti, Lənkəran Dövlət Universiteti, Mingəçevir Dövlət Universiteti.

Avropalı tərəfdaşlar bunlardır: Jyväskylä Universiteti (Finlandiya), İzmir Texnologiya İnstitutu (Türkiyə), Università degli Studi dell’Aquila-(İtaliya).

Xəzər Universiteti əsas təşəbbüskar və layihə koordinatorudur. Bütün digər DIRNA partnyorları layihənin idarə edilməsində iştirak edəcək, öz məsuliyyət sahələri daxilində fəaliyyətlərə nəzarət edəcək və Xəzər konsorsiumun bütün fəaliyyətlərini asanlaşdırmaq üçün əsas köməkçi tərəfdaş rolunu öz üzərinə götürəcək. Tərəfdaşlar ilkin mərhələdə pilot repozitorların quraşdırılmasında, həmçinin repozitor məlumatlarının daxil olmasının sınaqdan keçirilməsində və prosesin ümumi idarə edilməsində iştirak edəcəklər.