2022-ci il sentyabrın 27-də Humanitar, təhsil və sosial elmlər fakültəsinin tarix müəllimliyi ixtisasının tələbələri Tarix və arxeologiya departamentinin müəllimi Kəmalə Mustafayevanın rəhbərliyi ilə Anım Günü ilə əlaqədar Milli Azərbaycan Tarixi Muzeyində olublar.

Muzeyin Vətən Müharibəsi Fondunun müdiri Şəfa Mövsümov tələbələri ilk növbədə Şuşa şəhərinin tarixi keçmişinə həsr olunmuş sərgi zalı ilə tanış etmiş və Vətən müharibəsindən sonra Şuşa şəhərində aparılan bərpa işlərinin əks olunduğu fotolar haqqında ətraflı məlumat vermişdir. Tələbələr sonra “Nizami Gəncəvi və Azərbaycan Atabəyləri dövləti” və “Silahın mistik gözəlliyi (XVI-XIX əsrlər Azərbaycan silahı)” zalları ilə tanış olmuş, sualları cavablandırılmışdır.