2022-ci il sentyabrın 27-də Qazaxıstanın Nazarbayev Universiteti ilə görüş keçirilmişdir.

Görüşdə Xəzər Universitetinin rektoru dosent İradə Xəlilova, Beynəlxalq əlaqələr üzrə prorektor Vlad Vernygora, İctimai əlaqələr və media üzrə direktor Əlövsət Əmirbəyli, İqtisadiyyat və menecment fakültəsinin dekanı Ceyhun Məmmədov, İqtisadiyyat və biznes yüksək təhsil fakültəsinin dekanı İnqilab Əhmədov və Beyəlxalq əlaqələr şöbəsinin əməkdaşları Fatimə Vəliyeva və Arzu Bədəlova iştirak etmişdir. Qarşı tərəfdən isə Nazarbayev Universitetinin Beynəlxalq əlaqələr ofisinin rəhbəri Aliya Kaimoldinova, baş meneceri Nurzhan Nakhanov və meneceri Lazia Kutym iştirak etmişlər.

Xəzər Universiteti və Nazarbayev Universiteti arasında əməkdaşlığın gücləndirilməsi, işçi və tələbələrin mübadiləsi və bir sıra vacib məsələlər görüşün əsas müzakirə mövzusu olmuşdur.

Qeyd edək ki, Nazarbayev Universiteti Qazaxıstanın paytaxtı Astanada yerləşən tədqiqat universitetidir. 2010-cu ildə Qazaxıstanın ilk prezidenti Nursultan Nazarbayevin təşəbbüsü ilə yaradılmışdır.

Görüşün sonunda tərəflər bir-birinə hədiyyə təqdim etdilər.