2022-ci il sentyabrın 23-də Tarix və arxeologiya departamentinin müdiri Telman Nüsrətoğlu Elm və Təhsil Nazirliyinin Hökumətlərarası Təqaüd Proqramları çərçivəsində təhsil alan tələbələr üçün təşkil etdiyi vebinarda "XX əsrin əvvəlində Anadolu və Azərbaycan türkləri arasındakı yardımlaşma fəaliyyətləri və Bakının işğaldan azad edilməsi" mövzusunda çıxış etmişdir. O, çıxışında arxiv sənədləri əsasında Çarlıq Rusiyasının işğalından sonrakı dövrdə Azərbaycanda yaranan mürəkkəb vəziyyət və milli hədəflər istiqamətində Osmanlı dövləti ilə Azərbaycan ziyalıları, milli komitələr və Bakıda təsis edilən Müsəlman Xeyriyə çəmiyyətlərinin əlaqələri, elm və təhsil sahəsindəki əməkdaşlıq haqqında, həmçinin Qafqaz İslam Ordusunun Azərbaycana köməyi və Bakının işğaldan azad edilməsi prosesi ilə bağlı ətraflı məlumat vermişdir.