2022-ci il sentyabrın 13-də Xəzər Universitetinin təsisçisi, Direktorlar və Qəyyumlar Şurasının sədri, Gürcüstan Milli Elmlər Akademiyasının həqiqi üzvü, professor Hamlet İsaxanlı və rektoru dosent İradə Xəlilova Torpaqşünaslıq və Aqrokimya İnstitutunda olublar.

Qonaqlar Torpaqşünaslıq və Aqrokimya İnstitutunun baş direktoru professor Əlövsət Quliyev və həmin müəssisənin elmi katibi Sultan Hüseynova ilə görüşərək, əməkdaşlıq məsələlərini müzakirə ediblər. Professor Ə.Quliyev rəhbərlik etdiyi müəssisənin fəaliyyəti barədə məlumat verərək, bir sıra mühüm istiqamətlərdə əməkdaşlığın vacibliyini qeyd edib.

H.İsaxanlı qarşılıqlı maraq doğuran fəaliyyət sahələrində əməkdaşlığın, birgə multidisiplinar layihələrdə iştirakın əhəmiyyətini vurğulayıb. O, Xəzər Universitetinin Torpaqşünaslıq və Aqrokimya İnstitutu ilə gələcək əməkdaşlığının həm alimlər, həm də tələbələr üçün faydalı nəticələr verəcəyini qeyd edib. Tərəflər arasında növbəti görüşün Xəzər Universitetində keçirilməsi qərara alınıb.

AZƏRTAC görüş haqqında xəbər yayımlayıb:

https://azertag.az/xeber/Torpaqsunasliq_ve_Aqrokimya_Institutunda_Xezer_Universiteti_ile_
emekdasliq_meseleleri_muzakire_olunub-2292842