2022-ci il sentyabrın 13-də Xəzər Universitetinin Psixologiya departamentinin müəllimi, klinik psixoloq Nilufər Əlizadə "Mədəniyyət TV"-də yayımlanan “Səhər çağı” verilişinin qonağı olub.
Proqramda sentyabr ayı ərzində aktual olan məsələlərdən biri - yay tətilindən sonra yeni tədris və iş dövrünə adaptasiya, fəsil dəyişikliyinin insan psixologiyasına təsirləri müzakirə olunub. Canlı yayımda psixoloq qeyd olunan məsələnin elmi tərəflərini açıqlayaraq, insanların yaşadığı duyğu, durum dəyişikliklərinin səbəbləri və eyni zamanda praktik həll yollarından danışmışdır.