2022-ci il sentyabrın 13-də Sumqayıt “Dünya” məktəbində yeni tədris ili münasibətilə müəllim - şagird kollektivi, valideynlər, həmçinin qonaqların iştirakı ilə tədbir təşkil olunub. Azərbaycanın Dövlət Himni səsləndirildikdən sonra "Dünya" məktəblərinin və Xəzər Universitetinin təsisçisi, universitetin Direktorlar və Qəyyumlar Şurasının sədri professor, akademik Hamlet İsaxanlı çıxış edərək, məktəbliləri və qonaqları salamlayıb, birincilərə uğurlar diləyib. O, həmçinin, Azərbaycan üzrə fəaliyyət göstərən "Dünya" məktəbləri tərəfindən şəhid və qazi övladlarının ödənişsiz təhsili üçün xüsusi kvota ayrılması və onların bütün xərclərinin qarşılanması barədə məlumat verib.

Tədbirin yekununda birincilər ilk zəngin sədaları altında məktəbə daxil olublar.

Qeyd edək ki, 1998-ci ildə Xəzər Universitetinin nəzdində Bakıda yaradılmış “Dünya” məktəbi hazırda Sumqayıt və Gəncədə də fəaliyyət göstərir.

Xeberle.com saytı tədbir haqqında çoxlu fotolarla müşayiət olunan xəbər yayımlayıb:

https://xeberle.com/T%C9%99hsil/96289-sumqayit-dunya-mektebinde-shehid-qazi-ovladlarinin-odenishsiz-tehsil-almasi-uchun-kvota-ayrildi-fotovdeo.html