2022-ci il sentyabrın 6-10-da Xəzər Universitetinin əməkdaşları UniLab layihəsi çərçivəsində Avstriyanın Krems şəhərindəki IMC Krems Tətbiqi Elmlər Universitetində səfərdə olublar. Səfərdə universitetin Komputer texnologiyaları şöbəsinin müdiri Fərid Musayev, Karyera mərkəzinin koordinatoru Elnurə Əhmədzadə, İnkişaf ofisinin layihə rəhbəri Jalə Rzayeva və universitetin İqtisadiyyat və menecment fakultəsində maliyyə ixtisası üzrə təhsil alan tələbəsi Xəqan Nurullayev iştirak ediblər.

Universitetin əməkdaşları IMC Krems Tətbiqi Elmlər Universitetində 3 günlük görüşdə iştirak ediblər. Görüşdə iştirakçıları universitetin nümayəndələri qarşılayıb. Görüşdə layihə ilə bağlı görülmüş işlər və gələcək planlar müzakirə edlib. Səfər çərçivəsində nümayəndələr IMC Krems Tətbiqi Elmlər Universitetinin Karyera mərkəzi və karyera platforması, həmçinin AR/VR texnologiyasının təhsildə istifadəsi ilə tanış olublar. Universitetin Karyera mərkəzinin koordinatoru Elnurə Əhmədzadə və İnkişaf ofisinin layihə rəhbəri Jalə Rzayeva layihə çərçivəsində universitet tərəfindən görülən işlər haqqında iştirakçılara məlumat veriblər.