2022-ci il sentyabrın 8-də “Baxu Expo Center”də ADEX-2022 beynəlxalq silah sərgisi çərçivəsində “Gələcəyin Milli Hərbi Sənaye Kompleksi” mövzusunda dəyirmi masa ətrafında görüş keçirilib. Azərbaycan Müdafiə Sənayesi Nazirliyinin Elmi Tədqiqat İnstitutunun təşkilatçılığı ilə təşkil olunmuş tədbirdə Bakı Dövlət Universiteti, Xəzər Universiteti və Azərbaycan Texniki Universitetinin əməkdaşları, dövlət qurumlarının texnologiya mühəndisləri iştirak ediblər. Görüşdə Xəzər Universiteti Təbiət elmləri və mühəndislik fakültəsinin dekanı Fəxrəndə Əlimərdanova, Fizika və elektronika departamentinin müdiri Fəridə Tatardar ilə təmsil olunmuşdur.

Görüşün məqsədi Azərbaycan Müdafiə Sənayesi Nazirliyi ilə institut, universitet və digər qurumların texnologiya şöbələri ilə birlikdə gələcəkdə milli hərbi sənayenin inkişafı üçün birgə çalışmaq perspektivləri və qarşılıqlı əməkdaşlıq fürsətlərinin müzakirə edilməsidir. Görüş zamanı diqqət çəkilən əsas məsələlərdən biri də gənclərin perspektivlərini silah sənayesinə yönləndirmək, gənclərə dəstək verərək ağır sənayenin inkişafını təmin etmək idi.

Müdafiə Sənayesi Nazirliyinin Elmi-Tədqiqat İnstitutunun Baş Mühəndisi Əflatun Məmmədovun çıxışından sonra görüş iştirakçıların qarşılıqlı fikir mübadiləsi ətrafında davam edib və geniş müzakirələrlə başa çatıb.

Poliqon.az saytı və digər xəbər portalları tədbir haqqında geniş xəbər yayimlamışlar.

https://poliqon.az/geleceyin-milli-herbi-senaye-kompleksi-movzusunda-deyirmi-masa-kecirilib