2022-ci il sentyabrın 8-də Xəzər Universiteti Tarix və arxeologiya departamentinin müdiri Telman Nüsrətoğlu AZTV-nin “Əsas Məsələ” proqramının qonağı olmuşdur. Telman Nüsrətoğlu Azərbaycan dövləti tərəfindən dünyanın müxtəlif ölkələrindən səlahiyyətli siyasətçi və elm adamlarının, səyyahların işğaldan azad olunmuş ərazilərə dəvət edilməsini dəyərləndirərək, bu addımın erməni yalanlarının ifşa edilməsi və işğal dövründə mədəniyyətimizə qarşı həyata keçirilən soyqırımın dünya ictimaiyyətinin diqqətinə çatdırılmasında mühüm rol oynadığını qeyd etmişdir. Eyni zamanda, Telman Nüsrətoğlu çıxışında Qarabağ və Şərqi Zəngəzurda erməni vandalizminə məruz qalmış Türk İslam abidələri haqqında da ətraflı məlumat vermişdir.