Mədəniyyət Nazirliyi tərəfindən tabeliyindəki kitabxanaların kitab fondlarını yeni nəşrlərlə zənginləşdirmək və komplektləşdirmək məqsədilə 2022-ci ilin aprel ayında elan olunmuş “Nəşrlərin satınalınması müsabiqəsi”nin nəticələri müəyyənləşib.
Məlumat üçün bildiririk ki, “Nəşrlərin satınalınması müsabiqəsi”nin təşkilində şəffaflığı, səmərəliliyi və obyektivliyi təmin etmək məqsədilə müsabiqəni nazirlik tərəfindən yaradılan Nəşr Planının Tərtibi və Nəşriyyat Məhsullarının Satınalınması üzrə Komissiya həyata keçirib.
Müəlliflər və müəlliflik hüququ sahibləri tərəfindən müsabiqəyə təqdim olunan kitablar Komissiya tərəfindən qiymətləndirilmiş, eyni zamanda nəşrlərin dəyərləndirilməsi zamanı kitabxanaların təqdim etdiyi oxucuların sorğu kitabçasına əsasən hazırlanmış statistik məlumatlar da nəzərə alınmışdır.
Müsabiqədə Xəzər Universiteti Humanitar, təhsil və sosial elmlər fakültəsinin dekanı Elza Səmədovanın 2021-ci ildə universitetin Elmi Şurasının qərarı ilə “Köhlən” nəşriyyatında çap olunmuş “Türkologiyaya giriş” adlı kitabı da satın alınmış kitablar arasında yer almışdır.
Mədəniyyət nazirliyinin saytında müsabiqə haqqında geniş xəbər yayımlanmışdır:
https://culture.gov.az/az/umumi-xeberler/14517