2022-ci il iyulun 19-da Xəzər Universiteti Abay Universiteti ilə onlayn görüş keçirmişdir.

Görüşdə Xəzər Universitetindən Beynəlxalq əlaqələr üzrə prorektor Vlad Vernygora, İctimai əlaqələr və media üzrə direktor Əlövsət Əmirbəyli və Beynəlxalq əlaqələr ofisinin koordinatoru Fatimə Vəliyeva, Abay Universitetindən isə Pedaqoji Təkmilləşdirmə Mərkəzinin rəhbəri R.J.Turmaqambetov, Pedaqogika və Psixologiya İnstitutunun direktoru G.A.Abayeva, "Pedaqogika və psixologiya" elmi-metodiki jurnalının redaktor müavini və məsul katibi A.A.Mombek və S.T.İsaliyeva iştirak edirdilər. Görüşdə Azərbaycan Dövlət Pedaqoji Universitetinin nümayəndələri də iştirak etmişlər.

Görüşdə universitetlərarası əməkdaşlıqların yaradılması, birgə ixtisasartırma kursları, professor-müəllim heyəti və tələbələr üçün yay məktəbləri və bir sıra digər vacib məsələlər müzakirə olunmuşdur.

Qeyd edək ki, Abay Universiteti Qazaxıstanın ən böyük və aparıcı universitetlərindən biridir.