Xəzər Universitetinin nəşri olan “Azərbaycan arxeologiyası” jurnalının növbəti nömrəsi (cild 24, №2, 2021) Xəzər Universitetinin Nəşriyyatında çapdan çıxıb.
Jurnal Nəcəf Müseyiblinin Moskvada yaşayaraq fəaliyyət göstərmiş, iyul ayında 93 yaşında vəfat etmiş həmyelimiz, dünya şöhrətli arxeoloq Rauf Maqomedoviç Minçayevin xatirəsinə həsr olunmuş məqaləsi ilə açılır.
Jurnalın bu nömrəsində Firuzə muradovanın “Qobustanda “Leylatəpə” mədəniyyəti, Roza Arazovanın “Qarabağın erkən əkinçi-maldar tayfalarının daş məmulatları”, Bəhlul İbrahimli, Elvin Əliyev və Günay Bayramovanın “Göbəklitəpədən Plovdağa”, Allahverdi Əlimirzəyrvin “Naxçıvan bölgəsinin iki şəhəri Aşşur mətnlərində, Elnur İmanovun “”Sım petroqlifləri”, Rəhman Abdullayev və Sevinc Şirinlinin “Misilsiz Abidənin sorağında”, Tarix Dostiyevin “Nizami Gəncəvi dövründə Şəmkitr şəhərində mədəni həyat” və Avaq Quluzadənin “Naxçıvan Dövlət Tarix Muzeyində nümayiş etdirilən mis sərpuşun kitabələri” məqalələri dərc olunmuşdur.
Jurnaldakı bütün məqalələrdə müvafiq şəkil, foto, cədvəl və sxemlər verilmişdir.