2022-ci il iyulun 13-də Xəzər Universitetinin Beynəlxalq əlaqələr ofisinin təşkilatçılığı ilə əcnəbi tələbələrin “Qobustan dövlət tarixi-bədii qoruğu”na səfəri baş tutmuşdur.

Ekskursiyada tələbələr, Türkiyənin Manisa Celal Bayar Universitetindən 2 ay müddətində Erasmus+ Tələbə Mübadiləsi proqramı çərçivəsində Xəzər Universitetində təcrübə proqramında iştirak edən tələbə İrem Öztürk və Beynəlxalq əlaqələr ofisinin koordinatoru Fatimə Vəliyeva iştirak ediblər. Səfərin əsas məqsədi ölkənin zəngin mədəni irsinin təbliği və tanıdılması olub.

Tələbələrə muzeyin bələdçi əməkdaşı tərəfindən Azərbaycanın mədəniyyət irsi və Qobustan abidəsi haqqında ətraflı məlumatlar verilib.