2022-ci il iyunun 27-də Azərbaycan Yaradıcılıq Fondunda Üzeyir Hacıbəyli adına Bakı Musiqi Akademiyasının professoru, sənətşünaslıq üzrə fəlsəfə doktoru, Azərbaycan Bəstəkarlar İttifaqının katibi, Əməkdar incəsənət xadimi, Azərbaycan Respublikası Prezidentinin Fərdi təqaüdçüsü, musiqişünas Zemfira Qafarova ilə görüş keçirildi. Görüşdə mədəniyyət xadimləri, ziyalılar iştirak edirdilər.

Görüşü fondun sədr müavini, əməkdar mədəniyyət işçisi Rafiq Kaşanlı açaraq, Z. Qafarovanı iştirakçılara təqdim etdi. Z. Qafarova çıxışında həyat yoluna nəzər saldı, özünün sənətşünaslıq fəaliyyətindən danışdı.

Çıxış edənlər – Bakı Musiqi Akademiyasının professoru, bəstəkar, Xalq artisti Azər Dadaşov, televiziya və kino rejissoru, Əməkdar incəsənət xadimi, Azərbaycan Kinematoqrafiya İttifaqı İdarə Heyətinin üzvü professor Oqtay Babazadə, Azərbaycan Respublikası Prezidentinin yanında Dövlət İdarəçilik Akademiyasının professoru, tarix elmləri doktoru, “Simurq” Azərbaycan Mədəniyyət Assosiasiyasının prezidenti, “Avropa-Asiya” Beynəlxalq Humanitar Akademiyasının vitse-prezidenti, kulturoloq Fuad Məmmədov, “Xəzər Xəbər” jurnalının baş redaktor müavini, əməkdar jurnalist Əlirza Balayev və digərləri Z. Qafarovanı Azərbaycan musiqi elminin görkəmli nümayəndəsi kimi səciyyələndirdilər, çoxşaxəli zəngin fəaliyyəti ilə bu elm sahəsinə verdiyi töhfələrdən danışdılar.

Sonda Z.Qafarova həm öz müsiqişünaslıq fəaliyyətinə, həm də sahəyə aid müxtəlif sualları cavablandırdı.

Sim-sim.az və digər saytlar tədbir haqqında xəbər yayımlamışlar. 

https://sim-sim.az/5499-2/