Xəzər Universitetinin müəllimi Elza İsmayılovanın ""Koroğlu" dastanında Dəli Həsən (Azərbaycan və Türkiyə variantları əsasında)" adlı məqaləsi Azərbaycan Milli Elmlər Akademiyasi M.Füzuli adina Əlyazmalar İnstitutunun "Filologiya məsələləri" jurnalında (№ 7, 2022) çap olunub.
Məqalədə Dəli Həsənin “Koroğlu” dastanındakı yeri araşdırılır. Onun Koroğlu kimi igid və cəsur qəhrəman olduğu, xalqın qəhrəmanlıq ruhunu əks etdirdiyi göstərilir. Eyni zamanda, XVI əsrin sonu - XVII əsrin əvvəllərində baş vermiş tarixi hadisələr təhlil edilir, bir sıra araşdırmalar əsasında dastan qəhrəmanı Koroğlunun silahdaşı Dəli Həsənin kimliyi müəyyənləşdirilir, onun həyatı, yaşadığı zaman və fəaliyyəti ilə bağlı məlumat verilir. Tarixi faktlara söykənərək onun xəyali qəhrəman deyil, tarixdə yaşamış, əfsanəyə çevrilmiş bir insan olduğundan bəhs edilir.