2022-ci il iyunun 15-də Latviya Həyat Elmləri və Texnologiyaları Universiteti ilə Xəzər Universiteti arasında ikitərəfli əlaqələrin möhkəmlənməsinə dair müqavilə imzalanmışdır.
Görüşdə Xəzər Universitetinin rektoru dosent İradə Xəlilova, Beynəlxalq əlaqələr üzrə prorektor Vlad Vernygora və Beynəlxalq Əlaqələr üzrə koordinator Hüseyn Əliyev, İnkişaf Mərkəzinin direktoru Raziyə İsayeva, Latvia Həyat Elmləri və Texnologiyaları Universitetindən isə Beynəlxalq Əməkdaşlıq Mərkəzinin rəhbəri Dr. Voldemārs Bariss, universitetin Müşahidə Şurasının sədri Dr. Laimdota Straujuma, Latviyanın Azərbaycandakı Səfirliyinin müşavirləri Vija Buša və Elmira Mirzəyeva iştirak etmişlər.
Görüşdə ikitərəfli əlaqələrin möhkəmlənməsinə dair müqavilə imzalanmış və təhsil müəssisələri arasında tərəfdaşlıq və akademik əlaqələrin gücləndirilməsi istiqamətində müzakirələr aparılmışdır.
Qeyd edək ki, Latviya Həyat Elmləri və Texnologiyaları Universiteti elmi tədqiqatların, eləcə də akademik və peşəkar təhsil proqramlarının həyata keçirildiyi Latviya Respublikasının ali təhsil və elm müəssisəsidir.
İmzalanma mərasiminin sonunda hər iki tərəf bir-birinə hədiyyə təqdim etdi.