2022-ci il iyunun 7-də Azərbaycan Dillər Universitetinin nəzdində elmlər doktoru və fəlsəfə doktoru elmi dərəcəsi verən ED 2.12 Dissertasiya şurasında Xəzər Universitetinin 5708.01 – German dilləri üzrə doktorantı Validə Kərimova “Noam Xomskinin sintaktik təlimində cümlənin alt və üst qatları konsepsiyası” mövzusunda fəlsəfə doktoru eımi dərəcəsi almaq üçün dissertasiya işini müdafiə etdi.

Dissertasiya şurasının sədri akademik Kamal Abdullayevin rəhbərliyi ilə keçirilən iclasda Validə Kərimovanın təqdimatından sonra şura üzvlərinin sualları cavablandırıldı.

Dissertasiya şurası rəsmi opponentlərin, ayrı-ayrı alimlərin dissertasiya və onun avtoreferatı haqqında rəylərini, iddiaçının elmi iş üzrə yerli və xarici elmi jurnallarda 28 məqaləsinin, kitabının (Almaniyada) çap olunduğunu, dissertasiya işinin Azərbaycan Respublikasının Prezidenti yanında Ali Attestasiya Komissiyasının tələblərinə cavab verdiyini nəzərə alaraq, iddiaçının fəlsəfə doktoru elmi dərəcəsi almağa layiq olması haqqında qərar qəbul etdi.