Mayın 24-də Xəzər Universiteti Elmi şurasının növbəti iclası keçirildi.
İclası Universitetin rektoru dosent İradə Xəlilova açaraq, gündəlikdəki məsələləri elmi şura üzvlərinin nəzərinə çatdırdı. Gündəlikdəki ilk məsələ ilə bağlı İqtisadiyyat və menecment fakültəsinin dekanı Ceyhun Məmmədov, Təbiət elmləri və mühəndislik fakültəsinin dekanı Fəxrəndə Əlimərdanova, Humanitar, təhsil və sosial elmlər fakültəsinin dekan müavini Aygün Verdiyeva, Təbiət elmləri, sənət və texnologiya yüksək təhsil fakültəsinin dekanı Səidə Şərifova və İqtisadiyyat və biznes yüksək təhsil fakültəsinin dekanı İnqilab Əhmədov məlumat verdilər. Universitetin məzun olan bakalavriatura və magistratura tələbələri, onların qiymətləri, ixtisasları və s. haqqında ətraflı məlumat dinlənildi və məsələlər barədə müzakirələr aparıldı.
Sonra İqtisadiyyat və biznes yüksək təhsil fakültəsinin magistratura və doktorantura tələbələrinin tezis və dissertasiyalarının mövzuları və elmi rəhbərlərinin təsdiqi ilə bağlı məsələ fakültə dekanı tərəfindən elmi şira üzvlərinə çatdırıldı, mövzularla bağlı müzakirələr oldu.
Təbiət elmləri, sənət və texnologiya yüksək təhsil fakültəsinin dekanının təqdimatı ilə fakültənin bir əcnəbi doktorantura tələbəsinin elmi rəhbərinin dəyişdirilməsi məsələsinə baxıldı.
Daha sornra elmi katib tərəfindən universitetin Təhsilin təşkili və planlaşdırılması və Analiz və funksional analiz” ixtisası üzrə iki doktorantının dissertasiya işinin ilkin müzakirəsinin protokolu şura üzvlərinin nəzərinə çatdırıldı.
Cari məsələlərdə elmi nəşrlərlə bağlı beynəlxalq reytinq göstəricilərinin yaxşılaşdırılması ilə əlaqədar 2022-ci il üzrə Yol Xəritəsinin bəndlərinin icrası məsələləri müzakirə olundu və məsələnin xüsusi iclasda yenidən müzakirəsinə qərar verildi.
Elmi şuranın gündəliyindəki məsələlər barədə müsbət qərarlar qəbul edildi.