2022-ci il mayın 17-də “Baku Marriott Hotel Boulevard”-də Bakı Su İnnovasiya Forumu keçirilib.

“Aqualink” MMC-nin təşkilatçılığı, “Nijhuis Saur Industries”, “A.O.Smith” və “Hach” şirkətlərinin və “Facemark” MMC-nin təşkilati dəstəyi ilə keçirilən forumda yerli və xarici mütəxəssislər, şirkət rəsmiləri, o cümlədən bu sahədə fəaliyyət göstərən dövlət qurumlarının əməkdaşları iştirak edib və gün ərzində 3 panel üzrə müzakirələr aparılıb.

“Çirkab (tullantı) sularının idarə edilməsi, təkrar emal və ətraf mühitə təsirləri” mövzusuna həsr olunmuş II paneldə Xəzər Universitetinin Coğrafiya və ətraf mühit departamentinin müdiri Rövşən Abbasov çıxış edərək bildirib ki, Azərbaycanda olan çaylar yalnız suvarma və içməli su mənbəyi deyil, onlar dünyanın ən qiymətli balıqlarının yaşadığı yerdir. Azərbaycan 2040-cı ildə çox güclü su stressi yaşayan ölkə olacaq. Yeganə çıxış yolu isə suya qənaət etməkdir. Rövşən Abbasov müxtəlif sualları da cavablandırıb.

Oxu.az və digər saytlar tədbir haqqında xəbər yayımlayıb.

https://oxu.az/press-releases/604405