Xəzər Universitetinin əməkdaşları Mələk Kərimova və Ülvi Babasoy universitetə tələbə cəlbi çərçivəsində 2022-ci il mayın 4-5-də Mingəçevir (“Kür” Hazırlıq Kursları) və Gəncə (“Kəpəz” Hazırlıq Kursları) şəhərlərində ezamiyyətdə olmuşlar.

Psixologiya departamentinin koordinatoru Mələk Kərimova 300-dən çox abituriyentlə “Peşə seçimim və gələcəyim” mövzusunda seminar keçirmişdir. Həmçinin, vaxtın idarə edilməsi, imtahan prosesində həyəcanın aradan qaldırılması və səmərəli çalışma metodları ilə bağlı məsləhətlər vermişdir.

Dillər və ədəbiyyatlar departamentinin müəllimi Ülvi Babasoy universitet haqqında təqdimatla çıxış etmişdir. Sonda Mələk Kərimova və Ülvi Babasoy Xəzər Universiteti ilə bağlı suallara cavab vermişlər.