2022-ci il aprelin 25-29-da Siyasi elmlər və fəlsəfə departamentinin müdiri Fərid Quliyev, Humanitar, təhsil və sosial elmlər fakültəsinin koordinatoru Tərlan Orucova və Beynəlxalq əlaqələr ofisinin koordinatoru Fatimə Vəliyeva Erasmus+ İşçi Heyətinin Mübadilə Proqramı çərçivəsində Türkiyənin Manisa Celal Bayar Universitetində (MCBU) oldular.

Səfər zamanı Xəzər Universitetinin əməkdaşları MCBU-nun Muradiyə kampusunda universitetin rektoru Prof.Dr. Ahmet Ataç, Beynəlxalq əlaqələr ofisinin əməkdaşları, İqtisadiyyat və idarəetmə fakültəsinin Siyasi elmlər və beynəlxalq əlaqələr departamentinin rəhbəri və müəllim heyəti ilə görüşlərdə iştirak etdilər. Proqram ərzində iki təhsil müəssisəsi arasında tərəfdaşlıq əlaqələrinin və akademik əməkdaşlığın gücləndirilməsi istiqamətində müzakirələr aparıldı. İştirakçılar proqram çərçivəsində kampusda tələbə və işçi heyəti üçün yaradılan şəraitlə yaxından tanış oldular.

Proqram daxilində Fərid Quliyev Siyasi elmlər və beynəlxalq əlaqələr departamentinin əməkdaşları və tələbələrinin iştirakı ilə “İqlim dəyişikliyi və bərpa olunan enerji mənbələrinə keçid” mövzusunda mühazirələr oxudu.

Proqramda Keniyanın Kenyatta Universitetinin və Əlcəzairin Algiers 2 Universitetinin nümayəndə heyətləri də iştirak etmişdir.