2022-ci il aprelin 29-da Xəzər Universitetinin İqtisadiyyat və menecment fakültəsinin tələbələri Tarix və arxeologiya departamentinin müəllimi Kəmalə Mustafayevanın rəhbərliyi ilə AMEA-nın Arxeologiya, Etnoqrafiya və Antropologiya İnstitutu nəzdindəki Arxeologiya və Etnoqrafiya Muzeyində olublar.
Muzeyin əməkdaşı Orxan Zamanov muzeydə sərgilənən İbtidai icma quruluşu dövrünə və orta əsrlərə aid olan, Azərbaycan xalqının adət-ənənələrini və maddi-mədəni irsini özündə əks etdirən eksponatlar haqqında məlumat vermişdir. Muzeydə nümayiş olunan arxeoloji maddi mədəniyyət nümunələri və eksponatlar tələbələr tərəfindən maraqla qarşılanmışdır.