2022-ci il aprelin 27-də Üzeyir Hacıbəyli adına Bakı Musiqi Akademiyasında (BMA) Azərbaycanın görkəmli ustad sənətkarı, Dövlət mükafatı laureatı, Xalq artisti Ramiz Quliyevin 55 illik yaradıcılıq fəaliyyəti və 75 illiyinə həsr olunmuş “Tar sənətinin zirvəsində” adlı elmi-praktiki konfransı keçirilib.

Ölkənin mədəniyyət və təhsil ictimaiyyəti nümayədələrinin qatıldığı tədbirdə Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı və universitetin Musiqi və incəsənət departamentinin müdiri, əməkdar müəllim, pianoçu Zülfiyyə Sadıqova da iştirak etmişlər.

BMA-nın rektoru, Xalq artisti Fərhad Bədəlbəyli tədbiri giriş nitqi ilə açandan sonra mədəniyyət və təhsil müəssisələrinin rəhbər işçiləri və əməkdaşları çıxış edərək, ustad sənətkarınelmi fəaliyyətindən, gənc ifaçıların yetişməsində böyük zəhmətindən söhbət açıblar.

Professor, akademik Hamlet İsaxanlı çıxışında xüsusilə qeyd etmişdir ki, mahir tarzən Ramiz Quliyevi Xəzər Universiteti ilə uzun illər ərzində sıx dostluq və əməkdaşlıq  telləri bağlayır. O, universitetin mühüm tədbirlərində ya öz tarı ilə, ya da fəxri qonaq kimi iştirak edir. Universitetdə onun yaradıcılıq gecəsi də böyük təntənə ilə keçirilmişdir.

Sonda Ramiz Quliyev çıxış edərək, iştirak və çıxış edən qonaqlara təşəkkürünü bildirib.

AZƏRTAC və digər saytlar tədbir haqqında xəbər yayımlamıçlar:

https://azertag.az/xeber/BMA_da_elmi_praktiki_konfrans___Tar_senetinin_zirvesinde-2112449