2022-ci il aprelin 25-də Xəzər Universitetinin tərəfdaş olduğu Middlesex Universitetinin təşkilatçılığı, Britaniya Konsulluğunun maliyyə dəstəyi ilə həyata keçirilən "İqlim dəyişikliyinə dair məsuliyyət" layihəsinin (arCc) yekun konfransı keçirilmişdir.

Virtual keçirilən konfransda layihənin 13 ölkədən olan tərəfdaşları daxil olmaqla 200-dən çox nümayəndə iştirak edirdi.

Tədbirdə Xəzər Universitetindən İnkişaf Mərkəzinin rəhbəri Raziyə İsayeva, Coğrafiya və ətraf mühit departamentinin müdiri Rövşən Abbasov, departamentin müəllimləri Şahnaz Amanova, Rövşən Kərimov və tədbirin qonaq natiqi Azərbaycan Respublikasının Rəqəmsal İnkişaf və Nəqliyyat Nazirliyinin baş məsləhətçisi Ceyhun Hacıbəyli iqlim dəyişikliyi ilə bağlı müxtəlif mövzularda çıxış etmişlər.

Konfransın növbəti panelində layihə çərçivəsində tərəfdaş universitetlərin tələbələri arasında keçirilmiş yarışmanın səs verməsi baş tutdu.

Qeyd edək ki, Xəzər Universiteti “Dünya” məktəbinin şagirdi Mirsəid Seyidov Azərbaycanı finalda təmsil edirdi.