2022-ci il aprelin 18-də Xəzər Universiteti ilə Flame Business Services MMC arasında əməkdaşlıq ilə bağlı memorandum imzalanmışdır. Bu məqsədlə Flame Business Services MMC-nin icraçı direktoru Tural Bağırov Xəzər Universitetində rektor İradə Xəlilova ilə görüşmüşdür.

Görüşdə İqtisadiyyat və menecment fakültəsinin dekanı Ceyhun Məmmədov, Təbiət elmləri və mühəndislik fakültəsinin dekanı Fəxrəndə Əlimərdanova və Karyera Mərkəzinin koordinatoru Elnurə Əhmədzadə iştirak etmişlər. Görüş zamanı universitet və şirkət arasında əməkdaşlıq perspektivləri müzakirə olunmuşdur.