2022-ci il aprelin 14-də Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnnovasiyalar Mərkəzinin "Gələcək üçün bacarıqlar: Gələcək üçün birgə" hesabat tədbiri keçirilib.
Tədbirdə təhsil naziri Emin Əmrullayev, Dövlət Agentliyinin sədri Ülvi Mehdiyev, ölkə universitetlərinin rektorları, o cümlədən, layihəyə qoşularaq Anlaşma Memorandumu imzalamış Xəzər Universitetinin rektoru İradə Xəlilova iştirak ediblər.
Qeyd edək ki, 2021-ci ilin aprel ayından həyata keçirilən “Gələcək üçün bacarıqlar” layihəsinin məqsədi innovasiya sahəsində kadr potensialının artırılması, təhsildə innovasiya fəaliyyətinin dəstəklənməsi, innovativ ideyalarını inkişaf etdirmək üçün təhsil prosesində tələbələrə dəstək göstərilməsi və onların ölkəmizin texnoloji inkişafında önəmli rol oynayan ixtira sahəsinə yönləndirilməsidir.
Tədbirdə "Gələcək üçün bacarıqlar” layihəsi, mentorluq və “Tusi - 2C” inkubasiya proqramları barədə hesabat təqdim olunub. Təhsildə innovasiya fəaliyyətinin təşkili, tələbələrin və müəllimlərin bilik və bacarıqlarının artırılması və s. istiqamətlərdə fikirlər səsləndirilib, layihə çərçivəsində həyata keçirilmiş və yeni başlayacaq işlər barədə məlumat verilib, müzakirələr aparılıb.
Sonra səmərəli fəaliyyəti ilə fərqlənən və mentorluq proqramını uğurla başa çatdıran müəllimlərə, əməkdaşlara sertifikatlar təqdim olunub.
AZƏRTAC və digər saytlar tədbir haqqında xəbər yayımlayıb.
https://www.7news.az/az/mingcevir-dvlet-universiteti-gelecek-ucun-bacariqlar-layihesine-qosulub/
https://azvision.az/news/291136/-gelecek-ucun-bacariqlar--gelecek-ucun-birge-hesabat-.html